Chalet (已結業)

上星期，同女朋友去咗荃湾一间修装好靓，好有feel嘅欧式小木屋食西餐😋 我哋嗌咗个set dinner，餐汤系南瓜汤，饮落好浓郁，但系略嫌个包有啲太干，要点汤饮先得，而我哋appetizer拣咗半熟吞拿鱼伴三文鱼籽，呢个菜式系我第一次食，原来半熟嘅吞拿鱼口感又几特别，配埋啲三文鱼籽食，更显鲜味！而主菜我哋拣咗顶级韩牛封门柳，虽然份量唔多，但肉质超级嫩滑，牛味好重，果然系顶级韩牛😋 点上芥末籽酱食，好有欧陆风味，好推介👍🏻除此之外，我哋仲嗌多咗个意粉，烟熏带子海胆意粉，啱晒钟意食海胆嘅我哋！意粉al dente，每条都好挂汁，仲好重海胆味嘅鲜味，面头烟熏过嘅带子虽然细细粒，但食落爽口弹牙，再配埋咸咸地嘅三文鱼籽食，好夹好鲜味😆饮品方面，我哋嗌左一杯叫Girls generation嘅mocktail，以唔同种类嘅莓沟埋ginger ale，味道超fresh，同埋个杯劲有异国风情feel，好似即刻去咗海滩嘅小岛咁🤣终于到咗期待已久嘅甜品时间，呢个set会送上一个细细哋嘅面包布甸，虽然细细个，但系打卡一流，卖相好吸睛🤩 食落味道偏甜，配埋炼奶同埋朱古力酱，中意甜食嘅朋友一定唔可以错过🤣呢间欧