影片
更多
2017-12-16
3103 浏览
同老婆过嚟荃湾新开嘅IKEA，所以，就顺便出街食埋饭，晌附近搜寻咗几家餐厅，发觉「Chalet」风评不俗，而且，正正晌IKEA对面街，位置上非常就脚，但晚上经过，门面就显得异常低调。晌Openrice网站，见佢有咗嘅介绍：「Chalet一词，有指是瑞士小木屋的意思。」虽然，晌外观上跟小木屋喺两码子嘅事，由门面开始，已见到店主晌装修上花咗唔少心思。门前嘅单车、盆栽都喺洋溢出一片欧陆风，为平平无奇嘅街道添几分趣味。踏入餐厅，因为临近圣诞，就有一大大樖圣诞「迎客」树，墙身两边砌上幼身嘅深灰石条，营造出一种欧洲郊区嘅古老小屋感。餐厅分两层，地下嘅用餐区，无论地板、墙身、天花均以木板打造，配以高雅嘅餐枱、精致嘅吊灯，颇有情调。厨房、酒吧就在餐厅尾，远看酒吧后排列一支支嘅酒，就知佢哋有好多酒类饮品供应。拾级而上，就喺我同老婆被安排嘅上层用餐区，原来跟下层喺好不一样，矮枱、巨型真皮梳化，以及模拟出书房嘅环境，绝对喺书香幽雅。唯一喺对外无窗户，否则下午嚟，透点阳光，叹份「高茶」，看看书，感觉一流。睇佢个环境格局，成间高级嘅欧陆餐厅咁，你可能谂住啲嘢食都几贵吓，但佢哋嘅定价算得上同类餐厅嚟讲够大众化。一
晌Openrice网站，见佢有咗嘅介绍：「Chalet一词，有指是瑞士小木屋的意思。」虽然，晌外观上跟小木屋喺两码子嘅事，由门面开始，已见到店主晌装修上花咗唔少心思。门前嘅单车、盆栽都喺洋溢出一片欧陆风，为平平无奇嘅街道添几分趣味。
踏入餐厅，因为临近圣诞，就有一大大樖圣诞「迎客」树，墙身两边砌上幼身嘅深灰石条，营造出一种欧洲郊区嘅古老小屋感。
餐厅分两层，地下嘅用餐区，无论地板、墙身、天花均以木板打造，配以高雅嘅餐枱、精致嘅吊灯，颇有情调。厨房、酒吧就在餐厅尾，远看酒吧后排列一支支嘅酒，就知佢哋有好多酒类饮品供应。
拾级而上，就喺我同老婆被安排嘅上层用餐区，原来跟下层喺好不一样，矮枱、巨型真皮梳化，以及模拟出书房嘅环境，绝对喺书香幽雅。唯一喺对外无窗户，否则下午嚟，透点阳光，叹份「高茶」，看看书，感觉一流。
睇佢个环境格局，成间高级嘅欧陆餐厅咁，你可能谂住啲嘢食都几贵吓，但佢哋嘅定价算得上同类餐厅嚟讲够大众化。一个主木餐牌，左边喺4道菜嘅晚餐（唔包饮品，$188-$308），右边虽然写散点（$178-$368），但只要加$88一样可以变为套餐，多咗是日餐汤、前菜及甜品，睇落去你就知依$88加得过。此外，呢度都有斧头扒食，用上澳洲M4和牛，写明重38安士，只卖$888，真喺比好多扒房平一截呀！
而木餐牌背面，仲有多款小食，有生蚝、墨西哥粟米片、炸鱼薯条、德国肠拼盘、芝士拼盘、伊比利亚黑毛猪火腿……等等，大部分都喺𩠌酒良伴，钟意摸酒杯底嘅朋友就啱晒啦。
讲开杯，就顺便讲讲啲饮品，除咗主餐牌以木框镶嵌外，饮品餐牌做成木酒桶形，不过太长形，影相就有点难（原因喺小弟坚持横影啫）。饮品有多款生啤、烈酒、红白餐、香槟、鸡尾酒……等等酒类一应俱全，亦有非酒精鸡尾酒、汽水及咖啡……等等让唔饮酒嘅客人都有选择。
意大利杂菜汤是日餐汤有两款选择，正正可以一人试一款，其中一款喺「意大利杂菜汤」，真喺开正我老婆𠮶瓣。小弟都试咗两口，浓郁而酸香鲜活，仲有好多蔬菜，饮落颇醒胃。
蟹肉南瓜忌廉汤汤色橙黄有光泽，感觉都好对办，入口稀杰度啱啱好，滑溜挺身，而南瓜味都突出，不过，似乎蟹肉就唔太多。反而，啲餐汤嘅亮点晌啲面包度，面包偏身，外层有啲酥皮咁样，以为又干又硬，呃晒，咬落微微烟韧，但包心软绵，好有面粉香，沾啲汤一齐入口，更加好味。
法式鹅肝酱配无花果前菜同样喺有两款选择，咁就梗喺各要一客啦，而两道前菜都以黑石板盛上，卖相挺精致。无花果明显有烘焙处理过，味道更浓缩，而鹅肝酱就咁食，都喺「散修修」啲，配块水饼或法包，感觉好好多，其实，片鹅肝酱喺几幼滑，而伴碟自家调制嘅蓝莓酱拼鹅肝酱好有种平衡作用。
香煎半熟吞拿鱼伴三文鱼籽将吞拿鱼半煎熟，老婆话几有份食「肉」嘅感觉，佢意思喺似似哋食牛肉咁，因为佢偏素，依家极之少食红肉。小弟亦试番嚿，比起食刺身，确喺多份挺实感，但不失其鱼鲜味，啲三文鱼籽就做咗大配角喇。
北海道蟹肉意大利饭 $198小弟拣咗散点嘅意大利饭，再补充多句，以上个价喺散点菜价，需加$88变为套餐。个饭一片金黄配埋墨汁脆片及炸面条，睇嚟简单，但可以讲喺深藏不露，个饭嘅湿润度啱啱好，啲芝士汁底好似保湿液咁水润包住啲饭粒，而饭粒咬口却唔会令人有种生米感，斋饭我都觉得好食，加埋混入唔少鲜蟹肉，食味一流。
北海道蟹肉意大利饭
58 浏览
1 赞好
0 留言
老婆就拣咗晚餐嘅白春鸡，不过，侍应话今晚做唔到烟熏嘅效果，其实都无乜所谓；佢顺便介绍埋喺采用法国黄油鸡，皮脆肉嫩之余，油份重啲，味道更加香啲；伴菜有椰菜仔及松子仁，啲地中海汁似似哋烧汁，但香浓外，仲有微微辣度，颇惹味，垫底嘅栗子蓉，搓得柔滑粉香，比薯蓉就自不然更高一个档次啦。
烟熏法国白春鸡配地中海汁松子仁栗子蓉
34 浏览
1 赞好
0 留言
朱古力心太软以为套餐包嘅甜品，都喺普普通通嘅慕丝呀，芝士饼呀之类，原来可以拣心太软，以及面包布甸或意式奶冻。依客心太软焗得刚好，产生流心效果，又唔会太泻，朱古力味超香浓。再者，碟上嘅雪人画花绝对喺令道甜品相得益彰。
朱古力心太软
32 浏览
0 赞好
0 留言
意式奶冻杯奶冻配点点红莓浆，碟上只写上餐厅名字，比较下，就无心太软卖相咁靓，不过，质素不赖，奶味好浓郁之外，质感挺身而软滑，唔会太削搞到似慕丝咁，算得上出色嘅出品。
服务媲美到啲酒店级数，点解咁讲？由于我哋坐上层，都喺啲「茶几枱」，落单时位男侍应刻意踎低，同我做成同一水平，真喺让客人自在好多。此外，知道我哋个主菜喺「些牙」食，建议先上意大利饭，食完才再上客春鸡，避免意大利变凉会过于黏连；最后，离开时特别提醒我哋注意楼梯，以上窝心细节位客人喺感受得到佢份用心。加上菜式嘅卖相、味道，以至定价，绝对值得推介兼翻兜。
张贴
