影片
更多
2012-12-13
115 浏览
因为lunch太赶，平时好少会有闲情去食半自助午餐，其实我一直都好想试下究竟半自助午餐系点既? 岩岩星期一放假，约左屋企人去新城市行街，见新城市好多都系日本餐厅，平时都成日有机会食，我就建议不如去City Art一间欧陆情调餐厅试下。妈咪初时都惊会好贵，咁我就叫侍应俾个menu我睇下啦，佢话可以食半自助午餐，前菜、冷盘、汤、甜品可以任食，我见到$178每位都唔算好贵，就入座喇。入到去个气氛好好，唔会好嘈，咁岩有大枱可以offer俾我地，我地3个人坐左sofa位，真系好宽敞。去左沙律吧度睇，有好多唔同种类既沙律，除左有常见既火箭菜、蕃茄，最特别系红菜头，如果就咁食既系唔会觉得佢好味既，但要夹埋d菜同埋千岛沙律酱就一流，仲有其他沙律酱，有甜既有酸既，可以样样试下。隔离有好多冷盘，烟三文鱼绝对不可不试。虽然西餐厅好多都有烟三文鱼，但佢摆左系度可以任食，好多人一开始都围住夹。我第一次拎左2块，之后食完都系要再出去拎，好新鲜同感觉好清新，又唔会好咸。亦有拎烟熏烟肉，但应该腌制得比较咸，相比起三文鱼下变得比较韧。可以试下芝士配饼干，口感一软一硬，因为有唔同既芝士俾我拣，起码一般普通既buffet唔
妈咪初时都惊会好贵，咁我就叫侍应俾个menu我睇下啦，佢话可以食半自助午餐，前菜、冷盘、汤、甜品可以任食，我见到$178每位都唔算好贵，就入座喇。
入到去个气氛好好，唔会好嘈，咁岩有大枱可以offer俾我地，我地3个人坐左sofa位，真系好宽敞。去左沙律吧度睇，有好多唔同种类既沙律，除左有常见既火箭菜、蕃茄，最特别系红菜头，如果就咁食既系唔会觉得佢好味既，但要夹埋d菜同埋千岛沙律酱就一流，仲有其他沙律酱，有甜既有酸既，可以样样试下。
隔离有好多冷盘，烟三文鱼绝对不可不试。虽然西餐厅好多都有烟三文鱼，但佢摆左系度可以任食，好多人一开始都围住夹。我第一次拎左2块，之后食完都系要再出去拎，好新鲜同感觉好清新，又唔会好咸。亦有拎烟熏烟肉，但应该腌制得比较咸，相比起三文鱼下变得比较韧。
可以试下芝士配饼干，口感一软一硬，因为有唔同既芝士俾我拣，起码一般普通既buffet唔会有呢个选择。有一款系特别值得推介既，佢既卖相好精致，用左匙羹盛载住沙律，一款系有鲜虾系入面，上面应该系d cream，另外一个系有d青瓜同埋蟹籽，感觉好似日本沙律，但配左好有士多啤梨味既酱汁，好甜好好味，我地每人都拎左2个黎食。
我睇poster有款系火箭菜白菌沙律配扒蓝尾虾，d菇好爽口，蓝尾虾果然系肉质结实d。其实我地食前菜都开始饱饱地，但主菜仲吸引。我地3个人每人叫左一款，可以share黎食。蟹肉带子天使面配蕃茄忌廉汁
有蟹肉带子天使面配蕃茄忌廉汁，蟹肉同带子好鲜甜，而且份量都唔少，至少带子每只都系原只上，蟹肉每粒都大大粒，配上酸酸甜甜既蕃茄酱岩岩好又唔会好腻。意式猪柳伴扒芦笋及松蓉栗米蓉配马沙拉汁
猪柳好坚韧，如果一个人食会好饱，如果2个人share食就岩岩好。味道都好浓，好彩芦笋系天然无味既，一齐食可以中和到油腻既感觉。松蓉栗米蓉甜甜地，好似薯蓉既感觉。扒海鲈鱼伴黑橄榄菠菜
本身我地好钟意食鱼，呢碟菜一上枱就闻到好香既鱼香味，一定要趁热食，因为咁样个鱼肉系最嫩滑，中间夹住菠菜，好"林"，最适合追求健康既人进食。其实真系好饱喇，但出面d甜品又卖相精美，冇理由唔试下架~
甜品种类好多，而有几个用玻璃瓶载住既就吸引左我，芒果布丁食落去唔会好实，而且都几多芒果粒，我地食完都赞口不绝，而其他既我因为太饱都冇试，但听我屋企人讲都话唔错既。我地食完lunch之后，都可以顶到夜晚，价钱唔算太贵，而且物超所值，我下次都可以试下佢既dinner，因为都系以半自助既形式，应该会仲多食物选择。
张贴
