影片
更多
2016-01-12
977 浏览
旧年钖婚纪念同老婆到过铜锣湾嘅Amina² Cuisine大叹法国菜，事隔一年，到其姊妹店尖沙咀嘅Amina Modern European细尝欧陆私房菜，藉以预祝一下除夕，亦希望2015有个美好嘅结束。对比起铜锣湾店嘅环境、气氛，尖沙咀依边就较为轻松，可能源于天花富科幻嘅吊灯，有少少银河系嘅感觉。餐枱铺上灰色绒布，枱上又放有不少精致摆设，如蜡烛灯、盐及糊椒盅，不过，枱櫈嘅编排较铜锣湾店为逼。跟铜锣湾店一样，餐厅已说明无任何时间嘅限制，基本上只做一轮生意，所以，客人可以慢慢品尝，认真细味，唔单止喺厨师嘅心机，仲有店长、店员嘅诚意服务。况且，整个套餐一共9道菜，更加无理由狂风扫落叶咁扫落肚架。欢迎小点、法国牛酒油包配自制特色酱先打头阵喺精致嘅欢迎小点及面包碟。巴马火腿卷成花形，洒点葱花伴上薯蓉，放晌「汤匙」用意就喺要一啖放入口，份量刚好，咸香油润嘅火腿配搭绵滑薯香嘅薯蓉，简单好食。而面包碟有两款：法式牛油包及提子麦包，前者软熟而烟韧，好有口感；后者当然唔喺港式𠮶啲啦，较黏绵，有阵阵麦香，包内混有提子及合桃粒，同样好食；此外，另一精彩之处，两走伴酱：蜜糖甘笋酱及烟熏椰菜花酱，柔滑细腻，味道
对比起铜锣湾店嘅环境、气氛，尖沙咀依边就较为轻松，可能源于天花富科幻嘅吊灯，有少少银河系嘅感觉。
餐枱铺上灰色绒布，枱上又放有不少精致摆设，如蜡烛灯、盐及糊椒盅，不过，枱櫈嘅编排较铜锣湾店为逼。
跟铜锣湾店一样，餐厅已说明无任何时间嘅限制，基本上只做一轮生意，所以，客人可以慢慢品尝，认真细味，唔单止喺厨师嘅心机，仲有店长、店员嘅诚意服务。况且，整个套餐一共9道菜，更加无理由狂风扫落叶咁扫落肚架。欢迎小点、法国牛酒油包配自制特色酱
先打头阵喺精致嘅欢迎小点及面包碟。巴马火腿卷成花形，洒点葱花伴上薯蓉，放晌「汤匙」用意就喺要一啖放入口，份量刚好，咸香油润嘅火腿配搭绵滑薯香嘅薯蓉，简单好食。而面包碟有两款：法式牛油包及提子麦包，前者软熟而烟韧，好有口感；后者当然唔喺港式𠮶啲啦，较黏绵，有阵阵麦香，包内混有提子及合桃粒，同样好食；此外，另一精彩之处，两走伴酱：蜜糖甘笋酱及烟熏椰菜花酱，柔滑细腻，味道有个性，尤其后者，无谂过揾椰菜花做涂酱，甚具创意。
欢迎小点、法国牛酒油包配自制特色酱
34 浏览
1 赞好
0 留言
上一次晌铜锣湾试过佢啲生蚝已知道喺上好货色，即场开够新鲜，但佢哋定价唔平，不过难得原来今晚喺Oyster Night（逢星期二），有买一送一优惠，好划算。
左至右，亦喺淡至浓嘅排列：Isabella，Krystale、Gillardeau（每只$88）。Isabella蚝味不俗，海水味较清，口感偏向绵滑；Krystale入口爽脆，海水味强，余韵悠长；Gillardeau口感同以爽脆为主，蚝味浓，但相对海水味无咁抢，个性强！
美国谷饲牛肉他他配温泉蛋套餐嘅第一道菜式（前菜），卖相精致，牛肉他他采用美国谷饲牛肉，做得好软滑，食落唔似生肉咁，加上伴点黑醋汁，有种提鲜嘅效果。温泉蛋喺鹌鹑蛋嚟，小巧可爱，做前菜好适合；装饰用嘅虾片，喺好童年时𠮶只成块面咁大𠮶款。
美国谷饲牛肉他他配温泉蛋
32 浏览
1 赞好
0 留言
西班牙蕃茄冻汤汤品有两款，当然各点一款试试。依一款冻汤都好耐无饮过，色泽偏橙，初时都疑惑喺咪蕃茄冻汤，入口凉凉哋，但感觉下忌廉重手，所以，奶味比较强，蕃茄味唔算突出，但质感就好滑溜。
龙虾忌廉浓汤相对地，个龙虾汤超水准，好正，简单一句就喺香浓幼滑，龙虾味果真十足，口感幼滑如丝。
龙虾忌廉浓汤
26 浏览
1 赞好
0 留言
跟住上场喺一道特色嘅烟熏小主菜（Smoked Entree），以胶盖冚住，廿盖内白蒙蒙一片，一打开，烟雾四窜，有少少好似拜神嘅气味。卖相好清新，牛油果刴得好蓉，配上蓝鳍吞拿 嘅他他，柔和鲜味得很。中间一小粒喺香槟冻，酒香冰凉，玩味十足；三文鱼籽转咗蟹肉，捞一捞黑鱼籽，咸鲜味一涌而出。
轻煎法国鹅肝配杏仁挞、黑毛猪肉卷伴金巴利汁第二道小主菜（Entree）有两个选择，小弟拣咗法国鹅肝，鹅肝煎得外脆内软，油润甘香，用料靓，以及师傅手势好喺毋庸置疑，沾一点金巴利汁，微微酸中和一下，乜油腻感都无晒；不过，件杏仁挞虽然好有杏仁嘅坚果香，但挞壳有啲腍，而黑毛猪肉卷做成春卷形态，咸香脆口，个人觉得未能突出黑毛猪嘅特性。
香煎北海道带子配芬兰鸡油菌意大利云吞伴意大利咸肉蛋黄酱老婆则拣咗北海道带子，带子既大粒，又厚肉，入口鲜甜弹牙，而以意大利云吞皮包住，多添一份烟韧口感，配上鸡油菌，淋上咸肉蛋黄酱，令味道更富层次。
番石榴雪葩经过前菜、两道小主菜，都喺时候清清味蕾，准备细尝主菜，作为间场喺番石榴雪葩，入口超重番石榴味，天然清新，酸香醒神。
番石榴雪葩
35 浏览
1 赞好
0 留言
红酒烩牛面肉 $880早前晌agnès b. LE PAIN GRILLÉ试过一道炖牛脸颊，谂起都仲回味紧，既然今晚嘅主菜有牛面肉，都想再回味吓，亦比较两者手势。Amina嘅牛面肉咪睇佢成嚿炭咁，入口超腍，烩得极之松化，红酒汁亦好入味；伴碟嘅露笋入口细嫩无渣，垫底嘅薯蓉又够晒幼滑，整道菜都有水准。
红酒烩牛面肉
40 浏览
1 赞好
0 留言
煎挪威黑鳕鱼配蕃茄沙沙伴蕃茄清汤 $880老婆一向爱食银鳕鱼，所以，想想黑鳕鱼又会喺点！碟挪威黑鳕鱼洒下少少香料、食用干花作为装饰，颇有美感。细细件嘅黑鳕鱼，外皮煎得非常香脆，肉质口感嫩滑，又甚具弹性；底下嘅蕃茄清汤以鲜味取胜，味道清新！
香煎挪威黑鳕鱼配蕃茄沙沙伴蕃茄清汤
39 浏览
1 赞好
0 留言
洋甘菊清澈嘅洋甘菊花草茶，以玻璃壶上，饮落微苦而有一份回甘。
鲜奶咖啡杯咖啡伴有一小件蝴蝶酥，蝴蝶酥几松脆，不过，咖啡就冲得普普通通咁啦。
朱古力布朗尼配红酒烩梨伴瑞士冧酒雪糕整道甜品嘅配衬及摆设都好有心思，布朗尼做得相当唔错，浓香，质软，而雪糕拣用Movenpic冧酒雪糕，味道好正，不过，红酒烩梨就无咗，有番啲生果补足吓：士多啤梨、红桑莓、蓝莓及红番石榴。
法式焦糖炖蛋配沙巴翁伴瑞士香草雪糕焦糖炖蛋做得好柔滑，蛋香味中规中矩，Movenpic嘅云呢拿雪糕，睇到云呢拿籽就知真材实料；不过，个人唔太钟意将雪糕球放晌炖蛋之上，因为雪糕球溶得快，会软化咗炖蛋上面嘅焦糖。
自家制朱古力甜唔后伴住咖啡嘅仲有店方自家制朱古力，就好似喺法国菜嘅法式小甜点（Petit Four）咁，Petit "Five"5粒朱古力（左至右）有榛子、杏仁、松露、士多啤梨及蓝莓口味，士多啤梨口味以白朱古力配上果蓉，着实唔错，杏仁及榛子口味喺老婆至爱，整体朱古力都做得好滑溜，为今餐有个完美终结。
上菜速度平均，一道菜接一道菜之间都有些微空间，让人可稍作缓冲，等人慢慢细味每道菜之余，更可记低味道嘅感觉。除用料精之外，配搭都睇出花咗唔少心思，城市人一向冲冲乜都赶，晌度你就会自自然放慢脚步，细吃，细尝！
张贴
