歡樂大排檔

营业中

休息中

由于有两位朋友生日，所以决定一大班人庆祝吓，想揾一个地方大少少，而且有间房可以坐得好耐嘅地方，所以朋友就建议过嚟呢间欢乐大排档试吓😜✨欢乐大排档嘅位置，我觉得近乎于长沙湾同埋深水埗之间，喺商场嘅外墙已经好明显见到欢乐大排档嘅标志，所以都算系易揾嘅！我哋系早一个星期已经订咗位，当时职员就同我哋讲如果想食羊腩煲同埋想饮猪肺汤嘅话，就要提早预订😘作为醒目一族咁当然系一早预订咗啦！一坐低就上菜啦，首先要提一提呢个猪肺汤真系非常之清润，作为一个冇乜屋企靓汤饮嘅人，真系会觉得呢个汤非常之好饮！佢唔似一般茶餐厅会落味精嘅，你饮得出佢真系用好多嘅菜同埋猪肺煲出嚟，非常之入味😋😋忍唔住饮咗两碗！🐷🥬第二就系一早订咗嘅羊腩煲！朋友话呢度嘅羊腩真系用真嘅羊腩，我本身唔系好明佢讲紧啲乜嘢，因为羊腩煲唔系本身就系用羊腩嘅咩？原来我朋友讲紧嘅就系有好多羊腩煲都唔会用完整嘅羊腩肉，会系羊腩碎上，但系呢度你真系可以见到好肥美嘅羊腩瞓咗喺个煲入面🐑😛非常有咬口，虽然佢有皮喺上面，但系你嘅感觉唔会太烟靭！另外我哋仲叫咗好多小菜！不过因为后期同朋友挂住倾偈，所以冇乜影到，下次如果大家有机会过嚟嘅话真系可以试吓！我印象中好味