黑木亭居酒屋 (金馬倫道)

话说日本通番关后，身边唔少朋友已经番左乡下啦~～搞到我都好羡慕！不过未去到旅行既我，惟有去日本餐厅感受个气氛先！呢间一上楼梯就好似去左新宿街头咁，别有一番风味～MENU图文并茂，啤酒拉面劲吸睛，等我嗌番碗先！波士顿龙虾刺身，鲜少食龙虾刺身，入口非常爽脆，比起赤虾其口感更加爽口，带淡淡鲜甜，非常惊喜！日本啤酒拉面，卖相充满特色，一开头以为真系用啤酒装住，原来内有干坤。用忌廉配上拉面酱汁制作成嘅啤酒拉面，沾上忌廉嘅拉面口感creamy ，出奇地好食，不过食到中间会有少少饱腻，整体来讲啤酒拉面创意满分！天妇罗茄子田乐烧，原条茄子奉上，份量好足够！外层轻轻炸至脆身，咬落去外脆内软，加上烧汁令茄子特别入味，同时食到茄子嘅香甜味。石锅龙虾泡饭 ，食完龙虾刺身，师傅就会原只将龙虾制作成二食，将龙虾熬制成汤，变成泡饭。每啖都食到浓郁嘅龙虾汤汁，而龙虾虾头更非常浓郁，虾膏占满整个虾头，鲜香味浓！龙虾钳啖啖肉，肉质弹牙，钟意食龙虾非常推荐！北海道士多啤梨牛乳乳酸，酸酸甜甜带士多啤梨香味，而且卖相亦都不错！芒果乌龙熊茶，淡淡芒果味配上乌龙茶，整体唔算太甜，但有微微回甘，唔嗜甜人士就啱晒呢款！