老鍋台式火鍋 (京都廣場) (已結業)

大半年冇搭过飞机，为咗一解乡愁，今晚就约咗个伪同乡去食台式火锅。台式火锅嘅汤底同港式火锅唔同，比较注重养生，所以我同朋友二话不说就拣咗呢个美人锅，补补骨胶原。我觉得呢个汤底真系够晒滋补，因为佢系有原只乌鸡放咗落去个汤度，净系咁都已经值回票价啦！调味吧摆放得非常整齐，而且保持清洁，令人食得更放心。打边炉嘅最佳伴侣当然就系牛肉啦，我哋就拣咗呢个手切安格斯牛小排，佢嘅雪花纹真系分布得非常平均，所以每一片入口都非常之嫩滑，而且好有牛味。响铃系一样明知冇益但系又忍唔住要食嘅火锅配料，所以就少少哋叫半份开心share吓，呢度嘅响铃新鲜脆口，食落就冇乜油腻嘅感觉，所以都冇咁有罪疚感。我就最钟意食佢嘅墨鱼滑，呢度仲有黑白两款墨鱼滑，有得双拼，正！呢个井字拼盘好啱我哋二人份量，分别有虾丸、鱼肉小汤包、鲜虾云吞同鱼皮饺各两粒，可以一次过试几款配料。钟意食台式火锅都系因为钟意食鸭血，虽然冇拣麻辣汤底，不过鸭血配呢个汤底都唔错。拣咗个餐前小食要咗台式蒜香肠，估唔到个份量有咁多，多到我哋都食唔晒。呢个台湾面好正，冻食又得，放汤又得，两种食法各有特色。配埋杯冰冻冬瓜茶，真系令自己好似置身喺台湾食紧台式火锅咁呀！