影片
更多
2012-11-18
61 浏览
8月11日, 因为住喺附近嘅关系, 都会成日经过呢间韩国野. 虽然门口都黐咗好多广告同唔系透明玻璃, 但里面都好以好神秘咁~ 睇过下个menu, 都唔算平, 会想试但系都俾个价钱吓怕咗… 撞啱近日呢间餐厅都加入团购行列, 我地都可以有机会试下~ ::: 沙律 餐汤 猪肉杂菜石锅饭 可乐 ::: $38呢个团购餐$38包咁多野食, 同佢地平时正价比, 一定系超值, 同foodcourt嘅石头饭价钱差唔多~ 当然想像系美妙嘅, 嚟到嘅又同想像差少少咁啦. 沙律系有一小碟, 并唔系八小碟, 附上嘅菠菜份量唔多, 好彩味道ok嘅, 菜色水几好几爽口~ 餐汤系面豉汤, 好日式, 入口普通咗d, 同d即冲嘅冇乜分别… 跟住就石锅饭上枱喇, 仲有吱吱声, 好香嘅饭味~ 石锅饭材料包括有碎猪肉、芽菜、青瓜、萝卜, 再喺中间加只生蛋, 感觉好正宗~ 将d饭同材料捞匀, 加埋韩式辣酱, 就可以食, 味道都唔错, keep住热辣辣食好有镬气, 每样材料个味道其实都会俾辣酱盖住, 只可以食到佢地嘅质感… 猪肉偏瘦, 少韧, 其他配菜都尚算爽口, 可惜饭嘅份量太少, 饭焦又唔多, 食晒都唔会饱…:
::: 沙律 餐汤 猪肉杂菜石锅饭 可乐 ::: $38
呢个团购餐$38包咁多野食, 同佢地平时正价比, 一定系超值, 同foodcourt嘅石头饭价钱差唔多~ 当然想像系美妙嘅, 嚟到嘅又同想像差少少咁啦. 沙律系有一小碟, 并唔系八小碟, 附上嘅菠菜份量唔多, 好彩味道ok嘅, 菜色水几好几爽口~ 餐汤系面豉汤, 好日式, 入口普通咗d, 同d即冲嘅冇乜分别…
跟住就石锅饭上枱喇, 仲有吱吱声, 好香嘅饭味~ 石锅饭材料包括有碎猪肉、芽菜、青瓜、萝卜, 再喺中间加只生蛋, 感觉好正宗~ 将d饭同材料捞匀, 加埋韩式辣酱, 就可以食, 味道都唔错, keep住热辣辣食好有镬气, 每样材料个味道其实都会俾辣酱盖住, 只可以食到佢地嘅质感… 猪肉偏瘦, 少韧, 其他配菜都尚算爽口, 可惜饭嘅份量太少, 饭焦又唔多, 食晒都唔会饱…
::: 沙律 餐汤 牛肉杂菜石锅饭 冻柠茶 ::: $38
呢个餐沙律同餐汤都同前者一样, 个石锅饭亦只系猪肉换上牛肉, 牛肉系碎牛肉, 同韩国传统正宗石锅饭如出一辙. 呀菲怕辣, 开头无加辣酱捞饭, 但因为有只蛋, 捞起上嚟饭粒都几湿润, 不过就无乜味, 免为其难都要加d韩式辣酱~ 好在辣酱辣得嚟都带甜, 再加埋牛肉都带甜, 整体味道都唔会好抢喉. 不过可能全部饭都太湿, 所以都无乜饭焦.
冻柠茶茶味就够, 但柠檬得两三片薄薄片… 孤寒咗d… 得茶味无柠味.
终于都一试呢间餐厅, 原来个环境都几茶餐厅feel, 一路食人流都唔多, 星期六嘅夜晚都只系坐到成间餐厅嘅1/3… 论价钱, 佢地一个正价嘅石锅饭要$80, 真系几贵, 加上食身份量唔多, 埋单都唔知点计… 对于我地呢个团购, 会比较正常番d, 但系要我地俾正价食就一定唔会食~
张贴