川莊

营业中

休息中

中午做完嘢都一点半，饿得滞同班同事入左呢间食佢个午市烤鱼慰劳吓自己😛环境都几好，影果阵暂时无乜人，但好快就有一群群人入嚟食嘢。烤鱼当然想食辣👍🏻😛拣左海鲈鱼，小麻小辣佢个川茶解解辣同腻感，入面有好多种嘅茶料，要用一用传统中式饮法：盖住茶盖饮。唔错唔错👍🏻我自己钟意食午餐肉，呢度有炸过先上，好邪恶啊！同事就拣左牛肚同水晶粉皮。职员都好贴心提醒我地，水晶粉皮早啲落先好食，午饭时间宝贵呀😄主角海鲈鱼出场～啲肉好滑同易夹，又唔觉特别多骨～啲配菜同条鱼都好入味。食到咁上下，啲麻味同辣味喺条脷度，啖啖都好过瘾佢嘅午餐肉炸过，自然好吸辣汁，零舍入味，真系啱哂我，偶尔一次都好呀！夹起好滑，食落弹牙同入味。配料十足，令到成条鱼香口同够辣。