瘋狂小面 (佳德商業大廈)

营业中

休息中

疯狂大排面🌟🌟🌟🌟雪梨汁🌟🌟冰粉🌟🌟🌟🌟疯狂小面系一间楼上舖， 个舖位有少少隐蔽 ，你唔抬头望下天空上嘅招牌都唔会留意到佢嘅存在。 入到去见到佢嘅摆设格局装修，以为系五六十蚊左右就可以落楼， 点知攞起点餐嘅纸仔（ 冇错，呢度点餐系需要自己用笔去纸仔落单嘅） ，一个set竟然要成九十蚊， 比想像中贵好多。 不过我抱住：（中环区铺租贵啲嘅）嘅谂法 ，就冇哩会咁多，照落单试下。我点咗一个疯狂大排面，饮品嗌咗一杯雪梨汁 ，甜品要咗一碗成都冰粉。呢度嘅食物质素令我喜出望外， 大牌面汤底非常之红，最初以为会系好油好辣， 但食落竟然冇𠮶种令到个口腔好似裹住一层油嘅感觉， 汤底辣得嚟带有麻香味，非常出色。 大排数量唔多，得三件。但系每一件都炆到好林非常之入味， 亦都系上乘之作。 面条虽然浸住喺汤入面，但食落唔会过淋有咬口， 口感就好似鸡丝凉面嘅凉面咁， 亦都深得我心。 雪梨汁普普通通冇乜特别。 冰粉整得几好食， 配上提子干花生， 口感非常之丰富。单系评论食物质素嚟讲，疯狂小面确实系非常之出色物超所值。