廣東茶居 (已結業)

LUNCH 好多时都会去CITYSUPER 买外卖﹐但最近好钟意到广东茶居买外卖﹐特别推介粥品及千层糕。就算简单嘅皮蛋瘦肉粥($32)佢哋都会落足功夫﹕用靓一靓嘅皮蛋﹐腌得好够味嘅瘦肉。另外亦好钟意个猪膶粥($32)﹐猪膶够多之余滑得嚟好爽好够膶味。最重要系个粥底靓﹐真系好绵好滑。正!时下好多茶楼嘅千层糕($22)都做到好似奶黄包咁﹐层层都系滑一滑嘅奶黄。但广东茶居就系用传统的中式做法﹐层层中间夹著少许肥猪肉及切粒靓咸蛋黄﹐好有口感亦十分油润及金香。正!虽然价钱系贵D但真系值。绝对好过广东道𠮶几间。