雲南啊老表黑山羊湯鍋米綫 (觀塘工業中心) (已搬遷) 新店位置

以前去过云南，当地真系比较多人食羊肉。 喺香港，我都好少见到咁正宗嘅云南米线。餐厅装潢都好简约，主打米线，只有清汤及酸辣汤底。牛羊双拼细锅米线（$43）我拣咗牛羊双拼，想试吓两款嘅特别！ 牛系用上腩肉，而且有脂肪，所以食落牛肉味香，肉质软腍。 至于重点羊肉相对脂肪少，系切成薄片，有香浓羊肉味，但唔太膻，好易入口，肉质细嫩。清汤都系满有羊肉香，味道唔会太咸太油。每张枱都放有自家制菜圃， 十分惹味，一定要试！凉拌川北豆腐（$12）这款小食好适合喺热辣辣🔥嘅夏天食！ 豆腐嫩滑又清凉，配上酱汁及葱花 😋好爽！