影片
更多
2024-11-13
0 浏览
之前喺网上面见到有人介绍旺角有间隐世嘅斑兰糕店，几经辛苦终于俾我揾到，之前去过几次都系冇开，结果今次就早啲嚟，终于俾我等到😌，佢系一间印尼嘅找换店，喺找换店隔离超细嘅档口见到有各式各样嘅印尼糕点，超钟意食千层糕嘅我梗系要买来试吓啦😌，我就买咗几款，分别系斑兰千层糕同埋传统嘅千层糕，仲有佢哋嘅黄金糕，最后就有印尼牛油蛋糕，价钱系$8至$12不等💚斑兰千层糕 $8 :基本上呢一款千层糕就系绿白色横间，经常会见到嘅一款，而佢哋出咗朱古力味同埋咖啡味，原味嘅就系斑兰椰汁，唔知系咪佢哋当地人自家制嘅关系，食落去嘅味道系有啲唔同，唔会甜之余斑兰味道较重👍🏻，拎上手就feel到超有动感，有Q弹嘅感觉食落似啫喱不过比较实，价钱都算抵😋🤎传统千层糕 $12 :另外呢一款啡白间条嘅就系最传统嘅千层糕,如果系自家制嘅话整呢一款糕点相当费时，要一层一层咁样倒落去再煎，闲闲地都有十几廿层，呢一款糕嘅口感系比较似蛋糕，佢系腍身啲，食落去牛油味较重，另外仲有佢哋独特嘅味道，甜甜地，我就最钟意食呢一款🤤💚 斑兰黄金糕 $8 :另外呢款黄金糕睇落去好似蜂巢咁，有少少似蜂巢蛋糕，食落都系比较爽嘅一类，个人就觉得呢款麻麻地
💚斑兰千层糕 $8 :基本上呢一款千层糕就系绿白色横间，经常会见到嘅一款，而佢哋出咗朱古力味同埋咖啡味，原味嘅就系斑兰椰汁，唔知系咪佢哋当地人自家制嘅关系，食落去嘅味道系有啲唔同，唔会甜之余斑兰味道较重👍🏻，拎上手就feel到超有动感，有Q弹嘅感觉食落似啫喱不过比较实，价钱都算抵😋
🤎传统千层糕 $12 :另外呢一款啡白间条嘅就系最传统嘅千层糕,如果系自家制嘅话整呢一款糕点相当费时，要一层一层咁样倒落去再煎，闲闲地都有十几廿层，呢一款糕嘅口感系比较似蛋糕，佢系腍身啲，食落去牛油味较重，另外仲有佢哋独特嘅味道，甜甜地，我就最钟意食呢一款🤤
💚 斑兰黄金糕 $8 :另外呢款黄金糕睇落去好似蜂巢咁，有少少似蜂巢蛋糕，食落都系比较爽嘅一类，个人就觉得呢款麻麻地，不过佢食落都相当入味，同埋都唔觉油腻感👍🏻
💚印尼牛油蛋糕 (斑兰) $8 :最后呢一款就类似系戚风蛋糕嘅口感，不过佢哋系比较实，唔算太松软嘅𠮶款，可能印尼糕点嘅又有啲唔同，不过系几特别嘅，事关系斑兰味既我都钟意食😂
张贴
