Curry Lounge (已結業)

去东涌工作一昼, 印度藉同事介绍海堤湾畔地下有间印度人开的餐厅, 味道几正宗, 即管一试. 因为位置唔算市中心, 而且无闲日, 所以唔系好多人. 餐厅入面都几大, 有大屏幕播紧印度歌曲完全feel到系印度人开. 老细出黎亲自招呼落单, 两款lunch set鸡肉咖喱同羊肉咖喱都试哂, 好香香料味, 食落就知系正宗印度味道, 而且辣度适中, 配印度饭或者印式薄饼都非常开胃配菜仲有豆蓉同印度烤鸡, 都非常好味, 整个set都好丰富. 餐饮可以选汽水或者印度奶茶, 奶茶有好重姜味同黑茶味道, 加羹糖会好饮好多. 最后几个人叫多杯生啤叹多阵先走, 非常满意的一餐. 而且价钱得宜, 真系值得再返转头