喀什米爾咖喱屋

营业中

休息中

同男朋友去深水埗买电视，行过餐厅见到门口有小食卖，于是口痕试吓。门口嘅印度人识讲纯正嘅广东话，问佢有咩推介就介绍咗薯仔咖哩角，$14两件。啱啱新鲜炸好，热辣辣，咬落去外皮好酥脆，馅料好重香料味，而且薯仔系一粒粒，有咬口，我哋仲配埋另外叫嘅咖喱鸡汁一齐食，果然香料同咖喱味好夹，点左咖喱更加好食一件份量好大旧(差唔多半个手掌)$14有2件好抵食另外仲叫咗咖喱鸡配薄饼$55一打开盖俾层油吓亲，于是男朋友即刻捞埋啲鸡(感觉食左冇咁有罪恶感)，啲鸡煮到好软身，肉质几嫩滑。主角咖哩食得出系有好多香料煮成，而唔系普通沟咖哩酱开出黎，月桂叶味好香，而且食落带点辣，好过瘾，食到头皮有少少发麻但略嫌薄饼有点油，食落有点腻，如果做到好似手抓饼嘅效果就好了。