7E咖喱王

营业中

休息中

呢间真系值得返去再食，好有印度风味🇮🇳Chicken makhani👍🏻👍🏻👍🏻呢个系似butter chicken 唔辣，食到佢落咗番茄，食落有番茄嘅甜味。鸡切成一口大小，唔会过熟。唔食得辣嘅可以叫呢个。Mutton masala (lamb)羊系连骨嘅，闻落有少少羊臊味，但系食落就畀咖哩冚咗净系食到羊肉味。羊肉都好念。咖哩就中至小辣。Beef karahi🤤🤤🤤呢个嘅咖哩就同masala好似，都系有落番茄，但系番茄味就无鸡𠮶个咁浓，而辣味就同masala好似。牛都系切到一口大细，好念，完全冇渣。Fish masala✨✨✨鱼就比想像中好味，鱼系炸过先捞埋啲咖喱，所以啲肉唔会散晒，同埋佢用咗孜然粉腌，一食孜然粉味已经好突出。Garlic naan🤟🏻🤟🏻🤟🏻个naan 食落好软熟，好容易搣开。点咖喱更加系一流，好夹Cheese paratha基本上系同naan 好似，只系中间加咗芝士。而个芝士食落似cheddar Pulao rice呢个系印度黄饭，啲米系长条型粒粒分明。食落偏硬少干。