巴巴站

营业中

休息中

听朋友讲呢度咖喱好正宗，想试好耐，佢呢度既咖喱除左最传统既咖喱之外，仲有红咖哩、白咖哩、啡咖哩、橙咖哩、黑咖哩等等，用左唔同食材做基底，好特别，而且呢度价钱都几抵食，午市黎食特别平，五十几蚊包埋野饮今次食牛油鸡咖哩，Butter Chicken 都算系呢度比较多人推荐既菜式，系蕃茄底既咖喱，好特别，食落甜甜地，鸡肉算几多，咖喱汁加鸡捞饭食好香好好味。午餐既牛油鸡除左跟饭之外仲有块酥饼，食落有牛油香，唔会好油，撕开点咖喱食，索晒啲香甜惹味既咖喱汁，正啊仲有印度传统香烧鸡腿 ，有两大块鸡，一只鸡槌一块鸡胸，烧得面头有焦香，仲有印度香料既香味，入面鸡肉仲好嫩滑。另外都一样饭饭、沙律同酥饼。另外呢个跟既咖喱汁同牛油鸡唔同，呢款味道更加浓更加厚，入面仲有啲肉碎同洋葱碎，点酥饼定系捞饭食都好惹味！