影片
更多
2023-11-20
525 浏览
话说朋友好钟意食印度菜，见佢就黎生日同佢试左呢间位于尖沙咀既印度餐厅🇮🇳 餐厅入面系好有特色既印度装潢，加上餐厅全部员工都系印度人，个vibe好有正宗印度家乡风味。虽然系印度餐厅，餐牌系中英对照，方便点餐。而落单用简单英文沟通就得，员工亦唔会听唔明鸡肉棒棒糖 (辣) ($80)🍗呢碟鸡肉棒棒糖即系脆皮鸡腿红辣椒，鸡皮炸个时染左红色印度香料，所以炸出黎系红色。要赞既系，5件鸡腿肉都好滑好嫩口。有时出面食炸鸡炸得耐左鸡肉变得好”鞋”，但呢度唔会，系好嫩既鸡肉黎。配上一款类似甜酸酱既酱汁，点埋个酱直程令到个脆皮鸡腿口感提升左唔少！点左个酱食落冇咁辣添，怕辣既朋友唔驶惊食唔到呢味菜印度大蒜烤饼 ($40) + 羊肉咖哩(辣) ($150) + 印式芝士菠菜咖哩 (唔辣) ($90) 🥘印度菜黎讲, 我最钟意果味就系烤饼点咖哩喇！烤饼系印度菜入面咁signature，点可以唔试！呢度有好多款味道既烤饼可以拣，我地点左大蒜味。烤饼有4大块，岩岩新鲜烤起热辣辣，饼皮唔会好薄，点埋热辣辣既咖哩就岩哂我地叫左两款咖哩，羊肉咖哩同芝士菠菜咖哩。羊肉咖哩系炒将羊肉块用香料同椰子煮熟，所
鸡肉棒棒糖 (辣) ($80)🍗
呢碟鸡肉棒棒糖即系脆皮鸡腿红辣椒，鸡皮炸个时染左红色印度香料，所以炸出黎系红色。要赞既系，5件鸡腿肉都好滑好嫩口。有时出面食炸鸡炸得耐左鸡肉变得好”鞋”，但呢度唔会，系好嫩既鸡肉黎。配上一款类似甜酸酱既酱汁，点埋个酱直程令到个脆皮鸡腿口感提升左唔少！点左个酱食落冇咁辣添，怕辣既朋友唔驶惊食唔到呢味菜
印度大蒜烤饼 ($40) + 羊肉咖哩(辣) ($150) + 印式芝士菠菜咖哩 (唔辣) ($90) 🥘
印度菜黎讲, 我最钟意果味就系烤饼点咖哩喇！烤饼系印度菜入面咁signature，点可以唔试！呢度有好多款味道既烤饼可以拣，我地点左大蒜味。烤饼有4大块，岩岩新鲜烤起热辣辣，饼皮唔会好薄，点埋热辣辣既咖哩就岩哂
我地叫左两款咖哩，羊肉咖哩同芝士菠菜咖哩。羊肉咖哩系炒将羊肉块用香料同椰子煮熟，所以令到羊肉味好出，真系印度家乡风味呀！如果系素食既朋友黎到呢间印度餐厅都唔怕点唔到餐，因为餐牌有唔少系素食咖哩，就好似我地叫既芝士菠菜咖哩咁，个咖哩汁主要系用菠菜整，配以豆制粒粒芝士捞系绿色咖哩入面，要黎点烤饼同样好味
薄荷鸡块 (唔辣) ($140) 🍖
薄荷鸡块系用薄荷同绿辣椒腌制既鸡肉块。有成5-6件，仲要系大大旧既鸡肉块，再配埋红椒，青椒，洋葱，蕃茄，青瓜，萝卜，跟一个辣既酱，唔所以唔会好溜。咁大碟几个人share食就最岩！值得一提既系，上碟时系用个铁板上，滋滋声，未食都闻到香，而且就算食到最后都保持到热度
牛油薄煎饼Dosa ($80) 🫓
见到好多枱都有叫Dosa，我地都叫左碟黎试下。个煎饼劲大块，我谂有成60-70cm长，打咭一流，唔怪得咁多人叫啦！趁热食咬落去好香脆，仲闻到好香牛油味， 配上4款酱汁，每款酱汁都带出唔同口感
芒果印度奶昔 ($40) 🥭
哗，呢杯芒果奶昔系大推！每啖都系浓浓芒果味，劲香甜, 真系落足生果架！又香又滑溜，加上酸酸地既乳酪，开胃得黎又好饮，唔系讲笑，包你饮左头一啖就想成杯饮哂佢！
呢间餐厅绝对系正宗印度菜，咖喱落足香料又惹味✌🏻加上份量唔少，值得一试😉
张贴
