影片
更多
2022-01-03
24 浏览
本身对印度菜几有兴趣但好少有机会试，今次朋友带去佢公司附近嘅印度餐厅，店内装潢充满印度色彩，富地道风情！.🌕 炸米饼配薄荷汁 $88第一次试呢种印度小食，空心嘅圆波波炸米饼非常薄脆，入面塞满马铃薯及洋葱粒。食嘅时候将薄荷汁倒入波波里面，可以再加少少搭配嘅薄荷酱及甜辣酱，酸甜微辣非常开胃！.🍗 牛油鸡 $92牛油鸡系经典印度菜式，用咗鸡髀肉，香料腌得几入味，肉质嫩滑又无骨，特别喜欢佢带有炭烧香气！咖喱辣味不重，带番茄酸甜及牛油香味，增添多重滋味！.🐮 椰汁咖喱牛腩 $102估唔到印度餐厅都有牛肉菜式，老板话系特登迎合香港人需要。咖喱带香浓椰汁唔会太辣，质感浓郁稠身，牛腩口感软腍吸收晒咖喱精华，配烤饼食一流！.🧀 芝士烤饼 $36烤饼表皮微脆，入面夹住芝士，咬落烟烟韧韧带芝士咸香，同咖喱系完美配搭。.🍚 印式芝士炒饭 $98炒饭用了印度长米，饭粒比较干身有咬口，微辣带黄姜香气。饭里面加入粟米、青豆及Paneer，印度芝士Paneer切到一粒粒，口感有啲似硬豆腐，带淡淡奶香，几特别！.🥭 芒果酸奶 $37芒果味道天然，果甜及乳酪味道balance，质感绵密滑顺，解辣必饮之选。.🥥 椰青 $4
本身对印度菜几有兴趣但好少有机会试，今次朋友带去佢公司附近嘅印度餐厅，店内装潢充满印度色彩，富地道风情！
.
🌕 炸米饼配薄荷汁 $88
第一次试呢种印度小食，空心嘅圆波波炸米饼非常薄脆，入面塞满马铃薯及洋葱粒。食嘅时候将薄荷汁倒入波波里面，可以再加少少搭配嘅薄荷酱及甜辣酱，酸甜微辣非常开胃！
.
🍗 牛油鸡 $92
牛油鸡系经典印度菜式，用咗鸡髀肉，香料腌得几入味，肉质嫩滑又无骨，特别喜欢佢带有炭烧香气！咖喱辣味不重，带番茄酸甜及牛油香味，增添多重滋味！
.
🐮 椰汁咖喱牛腩 $102
估唔到印度餐厅都有牛肉菜式，老板话系特登迎合香港人需要。咖喱带香浓椰汁唔会太辣，质感浓郁稠身，牛腩口感软腍吸收晒咖喱精华，配烤饼食一流！
.
🧀 芝士烤饼 $36
烤饼表皮微脆，入面夹住芝士，咬落烟烟韧韧带芝士咸香，同咖喱系完美配搭。
.
🍚 印式芝士炒饭 $98
炒饭用了印度长米，饭粒比较干身有咬口，微辣带黄姜香气。饭里面加入粟米、青豆及Paneer，印度芝士Paneer切到一粒粒，口感有啲似硬豆腐，带淡淡奶香，几特别！
.
🥭 芒果酸奶 $37
芒果味道天然，果甜及乳酪味道balance，质感绵密滑顺，解辣必饮之选。
.
🥥 椰青 $42
清甜解腻，椰青肉亦好软嫩。
.
☕️ 特式香料茶 $29
食完饭老板介绍试吓印度香料茶，饮落有肉桂、胡椒及其他多种香料，味道浓烈丰富，加入牛奶之后，口感非常滑顺，推介！
.
整括而言：餐厅环境舒适，老板好友善会同客人倾吓偈，仲主动帮我哋影相。由印度人主理嘅印度菜，感觉正宗富地道风味，定价又唔高，想食印度菜嘅朋友可以试试！
.
张贴
