沙拉姆咖喱屋

营业中

休息中

呢间小店由头到尾都系印度人打理。唔知点拣食物下，直接今试咗 2人套餐。Set for Two $358Appetizers 前菜成碟上，一碟有齐咖喱角、炭烧鸡块同印度脆饼。咖哩角外形似云吞，饀有薯仔同肉碎，唔算辣，几好食。鸡块唔系面粉鸡，算高质。个人觉得脆饼最惊喜，薄薄的又脆，唔算油，配咗两碟酱，就算唔点酱都好食，有粟米味唔系淡茂茂。Main course咖哩牛红咖哩，辣过另一碟黄咖哩。个人钟意呢碟，辣得嚟几香，都算多牛肉。蔬菜咖哩黄咖哩，食落有d 膻，可能落咗羊奶。因为我本身唔食羊，唔钟意膻味，所以我一般。印度黄米饭炒得几干爽。蒜蓉烤饼唔太食到蒜蓉味，不过系𩠌咖喱食，咖喱都理所当然盖过蒜蓉味嘅。Desserts Rice pudding 嚟，质地偏水，甜味适中。埋单唔算贵，2个人食都几饱，性价比算高。餐厅唔太大，都几full，除咗香港人外，都有d non-Chinese 帮衬。