影片
更多
2022-07-19
256 浏览
今次嚟到佐敦食印度菜，早前上网订位，有网上预约优惠，满＄300就会送一支酒。由地铁站行去餐厅大约5分钟左右，地点唔算难揾，基本上沿住大路直行，经小巷转入茂林街就到。餐厅一共有两层，地下𠮶餐大约坐到20～25人左，上层就坐到30人。去到餐厅，被安排坐二楼，座位好阔落，同隔离枱有一定位置，唔会有压迫感。当日系平日，所以食客唔多，静静哋，环境好舒服。一坐低，就叫咗饮品先，再慢慢拣食物。所有食物都可以拣辣度，唔食得辣嘅我，就拣咗最少辣😆😆餐牌上嘅沙冰可以加爆谷🍿我就拣咗最稳阵嘅芒果奶昔Mango Lassi / Mango Aamb ($58)，朋友拣咗士多啤梨沙冰Strawberry Smoothie & Popcorn ($78)🍹杯沙冰好靓😍沙冰上面仲有厚厚嘅忌廉🤤好有诚意，爆谷多到满泻!! 而且系脆爆谷👍🏻奶昔嘅甜度适中，朋友就觉得沙冰太甜。不过食辣嘢，甜少少仲好😂叫咗两个前菜。香炸空心球 Paani Poori ($68)，空心球上面铺满红石榴肉，入面有馅料，酸酸甜甜，再配罗望子酱，倒入空心球入面一齐食，好清新，好开胃😋咖喱角沙律Samosa Chat ($78)，将咖喱角切粒做成沙
由地铁站行去餐厅大约5分钟左右，地点唔算难揾，基本上沿住大路直行，经小巷转入茂林街就到。餐厅一共有两层，地下𠮶餐大约坐到20～25人左，上层就坐到30人。
去到餐厅，被安排坐二楼，座位好阔落，同隔离枱有一定位置，唔会有压迫感。当日系平日，所以食客唔多，静静哋，环境好舒服。
一坐低，就叫咗饮品先，再慢慢拣食物。
所有食物都可以拣辣度，唔食得辣嘅我，就拣咗最少辣😆😆
餐牌上嘅沙冰可以加爆谷🍿
我就拣咗最稳阵嘅芒果奶昔Mango Lassi / Mango Aamb ($58)，朋友拣咗士多啤梨沙冰Strawberry Smoothie & Popcorn ($78)🍹
杯沙冰好靓😍沙冰上面仲有厚厚嘅忌廉🤤好有诚意，爆谷多到满泻!! 而且系脆爆谷👍🏻
奶昔嘅甜度适中，朋友就觉得沙冰太甜。不过食辣嘢，甜少少仲好😂
叫咗两个前菜。
香炸空心球 Paani Poori ($68)，空心球上面铺满红石榴肉，入面有馅料，酸酸甜甜，再配罗望子酱，倒入空心球入面一齐食，好清新，好开胃😋
咖喱角沙律Samosa Chat ($78)，将咖喱角切粒做成沙律，沙律有洋葱、蕃茄、红石榴，再加埋乳酪酱。最初见佢个样咁伏，以为会怪怪，点知一食就停唔到口！同样好开胃，反而无就咁食咖喱角咁腻👍🏻又有咖喱角，又有菜，一次过满足哂两个愿望😌
主菜拣咗玛莎拉咖喱鸡Chicken Tikka Masala ($118)，配芝士薄饼Cheese Naan ($38)同蒜蓉薄饼Garlic Naan ($28)。全部咖喱都系无骨鸡，食嘅时候好方便😆咖喱好香浓，有微微辣味，咖喱汁杰身，配埋薄饼一齐食系绝配👍🏻
顺带一提，所有咖喱都无配薄饼，要另外点。
总括嚟讲，成个用餐体验都好好。
地方好干净，我自己都几钟意食印度菜，但通常餐厅较细，用餐地方好近厨房，食完会成身都系餐厅嘅油烟味。但今次被安排坐二楼，一啲味都无，连洗手间都系干净企理。
虽然餐厅有两层，但系二楼一样都有员工系度，随时standby。
职员服务好好，好有礼貌，同埋记忆力好强😂餐牌上嘅菜名好多都唔识读，落单嘅时候讲到一旧旧，职员都可以唔洗用纸笔记低，完全无错👍🏻
食完会送返＄50 现金卷下次用。
推荐大家黎试👍🏻👍🏻
张贴
