影片
更多
2024-02-28
243 浏览
同好友聚聚就当然要食啲特别嘢，所以就跟佢嚟到铜锣湾嘅楼上店嘅Dilliwale食正宗印度餐。餐厅由布置悠闲舒适兼有民族风，几位店员都系印度人(当然佢地系识英文啦)，所以整个感觉都好有印度Feel。我地叫左两个Lunch Set，睇餐牌唔知系乜，只要转向中文翻译版本就得，话时话….. 中文翻译版本真系翻译得几搅笑。先嚟两杯饮品，我地upgrade左做特饮，好友嘅系Mabgo Lassi，我就简单啲嚟个青柠梳打。其实两杯都唔错，不过好友杯Mabgo Lassi就可以加以推介，除左有好香嘅芒果味之外，加埋乳酪同印度香料调制而成，所以入口好浓郁的芒果风味，好友大赞好味。嚟到我地嘅Set，先嚟House Butter Chicken，以番茄酱同牛油烹制而成。鸡肉滑身唔鞋口，而且件数都唔少。另外个汁系同平时食开嘅印度咖喱好唔同，杰身得嚟但又唔会好油，配埋口感酥脆蒜蓉薄饼一齐食，真系唔觉唔觉食晒四片薄饼呀。另一个主菜系House Fish Curry，以洋葱加番茄一齐煮嘅咖哩鱼，鱼肉同样好足够又够滑身，个咖哩酱都系一样嘅好，但我觉依个酱汁多左一个甜味，更能带出咖哩嘅香，所以我就比较钟意House F
我地叫左两个Lunch Set，睇餐牌唔知系乜，只要转向中文翻译版本就得，话时话….. 中文翻译版本真系翻译得几搅笑。
先嚟两杯饮品，我地upgrade左做特饮，好友嘅系Mabgo Lassi，我就简单啲嚟个青柠梳打。其实两杯都唔错，不过好友杯Mabgo Lassi就可以加以推介，除左有好香嘅芒果味之外，加埋乳酪同印度香料调制而成，所以入口好浓郁的芒果风味，好友大赞好味。
嚟到我地嘅Set，先嚟House Butter Chicken，以番茄酱同牛油烹制而成。鸡肉滑身唔鞋口，而且件数都唔少。另外个汁系同平时食开嘅印度咖喱好唔同，杰身得嚟但又唔会好油，配埋口感酥脆蒜蓉薄饼一齐食，真系唔觉唔觉食晒四片薄饼呀。
另一个主菜系House Fish Curry，以洋葱加番茄一齐煮嘅咖哩鱼，鱼肉同样好足够又够滑身，个咖哩酱都系一样嘅好，但我觉依个酱汁多左一个甜味，更能带出咖哩嘅香，所以我就比较钟意House Fish Curry多丁丁。
不得不提跟餐嘅蒜蓉薄饼，我估应该系即叫即整，因为送一上台系热辣辣嘅。薄饼好香脆得嚟又带点烟韧，仲要面头加左蒜蓉，再点咖喱酱一齐食真系超好味呀！
张贴
