影片
更多
2017-08-10
507 浏览
我都中左感冒呀….足足病左两个多星期，好彩公司附近有间粥店。好逼好逼好多人，但好正~有粟米粥！事关好多粥店宜家只有肉粥、无素粥了。﹝如果睇迟点我就会叫咸蛋栗米粥﹞因为系生滚，所以叫肉类粥既朋友仔就要等耐少少啦，都差不多成十分钟，但都真系值得！我碗粟米粥粟米粒都非常完整，但软硬适中、而且个粥真系有粟米既甜味，唔似煲完个粥求其掉d粟米落去就算数。一碗粥粥会食好耐、食得耐过饭，但永远都唔「襟」饱。所以同同枱夹份叫一个炸两，一人一半。估唔到个份量系够两个食，我劲贪心，咩酱都落晒-甜酱啦、辣酱啦、麻酱啦，仲有芝麻粒添，相当满足。好好呀，一间铺头唔怕蚀俾个客任佢地落酱，客人既选择变相多左。好老实，我都好少食到炸两系入面脆既，因为包住一层湿润既肠粉确实好难。真系胜在份量够多，放凉左都唔会有臭油味。病左一定要对自己好点，我买多左只糭等下午茶时段食。由于我唔食碱水粽同甜糭、唯有叫只咸肉粽之后夹旧肥猪肉出黎啦。我买果阵系下午2点几、食果阵系下午4点几。厉害，依然keep住好好味！我个人做法就钟意加豉油又加糖既，我夹开每一口都有碎蛋黄在内，十分咸香！糭又系同炸两一样，大件夹抵食。倒汗水无令到糭既口感变差，相
我都中左感冒呀….足足病左两个多星期，好彩公司附近有间粥店。
好逼好逼好多人，但好正~有粟米粥！事关好多粥店宜家只有肉粥、无素粥了。﹝如果睇迟点我就会叫咸蛋栗米粥﹞
因为系生滚，所以叫肉类粥既朋友仔就要等耐少少啦，都差不多成十分钟，但都真系值得！我碗粟米粥粟米粒都非常完整，但软硬适中、而且个粥真系有粟米既甜味，唔似煲完个粥求其掉d粟米落去就算数。
一碗粥粥会食好耐、食得耐过饭，但永远都唔「襟」饱。所以同同枱夹份叫一个炸两，一人一半。估唔到个份量系够两个食，我劲贪心，咩酱都落晒-甜酱啦、辣酱啦、麻酱啦，仲有芝麻粒添，相当满足。好好呀，一间铺头唔怕蚀俾个客任佢地落酱，客人既选择变相多左。
好老实，我都好少食到炸两系入面脆既，因为包住一层湿润既肠粉确实好难。真系胜在份量够多，放凉左都唔会有臭油味。
病左一定要对自己好点，我买多左只糭等下午茶时段食。由于我唔食碱水粽同甜糭、唯有叫只咸肉粽之后夹旧肥猪肉出黎啦。我买果阵系下午2点几、食果阵系下午4点几。厉害，依然keep住好好味！我个人做法就钟意加豉油又加糖既，我夹开每一口都有碎蛋黄在内，十分咸香！糭又系同炸两一样，大件夹抵食。倒汗水无令到糭既口感变差，相信热食会更加好食。
下次再食粥店希望系健健康康咁食啦！
粟米粥
91 浏览
0 赞好
0 留言
炸两
31 浏览
0 赞好
0 留言
咸肉糭
45 浏览
0 赞好
0 留言
张贴
