古早味台灣原味 (已結業)

今日黎左试铜锣湾嘅古早味，一直都几期待，因为自己几中意食台湾野，难得有机会试新店，真系几兴奋。我同朋友两个人食，所以都叫左几多野，一黎就叫左个盐酥鸡试下，炸得好香脆，上碟摆得好靓，值得加分！配埋我杯菠萝苏打，一啖鸡一啖苏打，正到不得了。第二样令我惊喜嘅系蒜泥白肉，同台湾人嘅口味系一样咖，佢地都唔中意太多蒜，所以个肉唔会太辛口，啱晒我呢d唔中意食辣嘅人。本身想叫荷叶蒸饭，可惜餐厅话要半个钟先上到，我同朋友都唔想搞到太晏，所以就叫左牛肉面。牛肉面用刀削面做面底，都系贴近返台湾口味。牛肉亦系用牛键部分，唔系港式嘅用牛腩位，几特别咖～另外重叫左炸豆腐，佢系餐厅推介，果然系水准之上嘅菜色，外脆内软。由于食得太饱，最后嘅粉丝褒唔系好食得落，有d可惜，哈哈