等等HEA

营业中

休息中

同朋友慢游九龙城, 打算夜晚轻食, 戒淀粉质冇咁肥, 但九龙城8点几周围的Coffee Shop都闩晒, 见小店仍然营业, 仲好夜先收工, 同朋友立即入内试试。见到餐牌大大只炸鸡脾, 皮脆肉嫩咁, 就算减肥都想一试, 再问下店员, 系生炸鸡脾好好食, 咁就即刻落单试下。上菜时真系好香脆, 一切开就有肉汁流出嚟, 店员仲拎左台湾阿宗辣椒酱俾我哋试, 少少辣同鸡脾真系好夹, 而且冇脂肪痴住皮, 减少咗咁罪恶感。朋友见到台式小食, 立即叫左大肠包小肠, 明明话唔食淀粉质....但因为好食, 一上枱就清咗。下次再试多几样小食, 感受下家乡嘅味道。