五斗米 (厚和街)

营业中

休息中

西环区有一间地道嘅台湾美食，装修环境简约为主，特意去试一试。《秘制卤水鸡髀》，两大只鸡畀卤得好入味，啖啖肉，肉质非常嫩滑，再加埋佢嘅娃娃菜，的确系好味。《特制卤肉饭》，大大碗卤肉饭放喺我面前，真系好多卤肉，香喷喷，加埋只卤水蛋，非常好味，又多汁，必食。特色三宝 《豆腐干，墨鱼丸，贡丸》，豆腐干卤水得好入味， 新鲜嘅墨鱼丸，啖啖肉，好有墨鱼味， 贡丸有冬菇味， 这份三宝好好食，必吃。《原汁牛肉汤面》，面用咗特制嘅台湾面，每一旧牛肉都好新鲜，好入味，汤底好浓郁，加埋啲葱花食落去的确系一碗好好味嘅牛肉拉面。还有很多款其他台湾嘅食品，亦都系相当吸引，饮品方面，有台湾嘅苹果汽水同青柠梳打， 还有多种味道嘅珍珠奶茶，任君选择。