六両三

营业中

休息中

每隔一段时间就会想念台湾味道，今次就来到bookmark左好耐嘅六両三止一止渴。🍜川味红烧牛腱牛肋条面$85汤头标榜纯天然，用上大量牛骨及蔬菜熬制而成，果然清甜醇厚，饮落好舒服唔会口渴，牛腱肉焖得非常腍，达入口即化程度，已去骨牛肋条牛味浓郁，亦容易咬得开，面条可选择粗或幼，今次拣嘅幼面都有足够嚼劲，最后将汤头一饮而尽，非常满足。🍚卤肉饭$28讲到台式食品，一定唔少得卤肉饭，呢度嘅卤肉用上连皮三层肉切丁卤，卤肉油香丰富十分好送饭，猪皮卤嘅过程释出适量胶质，令整体口感更加丰富。🥚卤水溏心蛋$18蛋黄呈啫喱状够流心，卤过的蛋白亦能够保持柔软，高质。🥤冬瓜柠檬茶$23呢度嘅冬瓜茶唔会过甜，加埋柠檬够消暑啱晒热辣辣嘅天气。