九份飽 (蜆殼街) (已搬遷) 新店位置

炮台山多野食系人都知，今日经过开又揾吓有咩特色野食，经过转角街口，有间装修几特别嘅台湾野，于是入去试吓。睇睇餐牌，都有粉面、小食同台式饮品，我地叫咗几款试吓。盐酥鸡，啱啱炸出黎热辣辣，个炸皮脆卜卜，有椒盐喺面，够晒惹味，咬落鸡肉都好juice。酥炸鱿鱼，即叫即炸，份量都唔少,d鱿鱼酥都好粗好大条，佢嘅炸粉一d都唔厚，上面都有落椒盐，所以唔使点任何酱料都够晒好味。红烧牛筋牛腩面，都好大碗，仲有好多件牛腩同牛筋，够晒抵食，牛腩同牛筋炆得好入味同火候啱啱好，唔会太淋或者太韧，而个汤底劲浓郁，饮落唔觉有味精，呢碗面入面仲有大量配菜，有酸菜、芽菜、红罗白同芫荽，非常足料抵食。怀旧鲁肉饭，食台湾菜系必食，呢度d鲁肉饭嘅鲁肉系肉粒，唔系肉碎，所以食落好有口感，鲁肉都卤得好入味同肥瘦适中，加上只卤蛋，真系冇得输。胚芽珍珠奶茶、珍珠奶茶，可以选择甜度，珍珠烟烟韧韧，奶茶上面有厚厚嘅泡末，饮落好滑好香奶味。