峴港越式料理 (已結業)

妈妈一向好喜欢食越南菜，今日喺观塘揾到间蚬港越南料理好似好正宗咁！去到差唔多八点钟都已经要等位，好彩一阵就有位，之后人流不断，九点几都仲有人嚟食，真系应该唔错！我哋叫咗庶虾，真系好正宗，虾肉包住个庶，虾肉非常新鲜，而且庶仲好甜！之后嗌咗黄咖哩，黄咖哩个味好香，而且唔似出面食嘅咖哩会食到好饱好济，呢个咖哩真系值得推介！好好食！点埋个香脆蒜蓉包真系好正呀！另外叫咗牛丸牛肉河粉，开头睇个价钱以为会略贵，点知嚟到非常之大碗，我哋三个人share食都份量足够！而且牛丸够爽口，牛肉有够香，要系个汤底非常好味！另外我哋仲叫咗软壳蟹纸米卷，软壳蟹香脆，冻冻地夏天食就最啱！最后就叫咗甜品，有咖啡及班兰美，咬落去烟烟韧韧，好食呀！