影片
更多
2016-06-03
725 浏览
同事系四川人，带我地试呢间「佢食过最正宗的四川小菜」- 真系正宗！食过会上瘾！虽然地理位置唔系特别近地铁站，但lunch hour就要排长龙，附近返工的人都来帮衬店面唔大，但可以开台坐出面。得老板同老板娘两个人，一人煮送一人执台，所以繁忙时间都要比啲耐心。试过有一次等左成8个字先有得食，但冇办法，真系好食，算啦我忍。所有菜品辣度可拣 大、中、小、小小、...十小，所以唔食得辣嘢的朋友都有得食。单送米线$26，一个午餐加嘢饮$42（好抵食！）必食菜品1：口水鸡 口水鸡 口水鸡！次次帮衬都会叫中辣，啲辣汁真系好特别，睇落好似好辣咁，但食落酸酸地中和返啲辣味，加埋芝麻，回味仲有甜香，正！必食菜品2: 凉拌粉皮！唔系酸辣粉，唔系红薯粉，粉皮食落好爽口，酸酸辣辣，喺其他四川餐厅冇乜见过。推介！手拍青瓜、凉拌云耳都好好味，认真推介一试！
85 浏览
0 赞好
0 留言
店面唔大，但可以开台坐出面。得老板同老板娘两个人，一人煮送一人执台，所以繁忙时间都要比啲耐心。试过有一次等左成8个字先有得食，但冇办法，真系好食，算啦我忍。
所有菜品辣度可拣 大、中、小、小小、...十小，所以唔食得辣嘢的朋友都有得食。单送米线$26，一个午餐加嘢饮$42（好抵食！）
必食菜品1：口水鸡 口水鸡 口水鸡！次次帮衬都会叫中辣，啲辣汁真系好特别，睇落好似好辣咁，但食落酸酸地中和返啲辣味，加埋芝麻，回味仲有甜香，正！
必食菜品2: 凉拌粉皮！唔系酸辣粉，唔系红薯粉，粉皮食落好爽口，酸酸辣辣，喺其他四川餐厅冇乜见过。推介！
手拍青瓜、凉拌云耳都好好味，认真推介一试！
张贴
