川味港私房菜

营业中

休息中

今日同朋友经过观塘，知道依家有好多楼上隐蔽餐厅，加上天气冻又想食下辣野暖暖个胃，就OpenRice 一下。点知发现喺成业街个华成工商中心有四川私房菜，一于上泥试下。不过要留意反系无life 直到14楼架，系要上到13楼之后行楼梯再上一层先会见到个入口，不过唔洗担心，中间都有指示既。七点半去到，唔算太多人,好彩walk in 有位，不过最好都要打去book定。由于私房菜，所以最多都系得二至三张大枱。个老板娘都好好服务，系咁招呼我地，仲会问我地食唔食到好辣，就反我地个味道。先有前菜，川味拼盘，食完好开胃，唔会好辣。之后有个花生发菜汤，好足料,加埋可以每人三碗添。之后就有第一道菜百花酿虾拑，刚刚炸起，同个虾坩好大旧！真系成个拳头咁大，食落好香口，好味之后再有胡椒虾，上碟已经闻到好重胡椒味，啲虾好入味，正！由于我朋友唔食得辣，老板娘就建议我地试酸菜鱼。泥到真系好有分量，好多鱼同芽菜，味道好够酸，汤仲好好饮！绝对推介！ 最后仲有碟蟹肉扒豆苗，又系份量好多，两个人食到手软，绝对好够饱。豆苗新鲜嫩口，配搭蟹肉一流！下次一定会再泥