川熙樓 (已結業)

今晚约咗个喺香港过境嘅内地朋友食饭 ，佢住喺尖沙咀嘅酒店。本来谂住喺佢酒店度接佢先谂食乜，但又落大雨所以就系佢酒店里面嘅食肆 拣咗一间坐低咗。我朋友本身系湖南人天生就钟意食辣野。呢间系川菜馆主打火锅同埋小菜，都系食麻辣嘢为主应该啱佢口味。我哋得两个人打边炉食唔到好多嘢，所以都系叫咗几个小菜。个前菜晾衣白肉话咁快就上枱。果然冇改错名喺将几片青瓜同埋薄切嘅白肉挂咗喺个架上边好似晾衫咁。青瓜加埋白肉沾上个辣椒汁，辣得黎又有青瓜𠮶种清新口感呢个配搭唔错。跟住上嘅就系口水鸡,系辣同埋麻嘅口感。虽然系辣同埋麻，但系啲鸡肉好滑。呢啲就系川菜嘅特色。跟住上嘅就系担担面，食得出系好正宗嘅川菜 做法同味道因为我喺内地都食过。佢哋呢度嘅师傅应该系正宗嘅四川人。最后上嘅就系烧椒肉末烤茄子，我第一次食呢个菜。做法系将条茄子用炭嚟烤熟，再喺上面洒啲切碎咗嘅肉碎再加辣椒同孜然粉。个菜辣得嚟好香好惹味。呢度嘅小菜系正宗嘅川式做法，同埋佢哋有得食火锅。如果钟意食四川菜嘅朋友呢度值得推介。