景霖正宗四川麻辣米線 (白加士街)

营业中

休息中

💡正宗四川麻辣米线好耐都无食过米线，今日经过佐敦见到有景霖呢间米线，即刻去试下，景霖有好多间分店，呢间就系佐敦站附近，非常方便，而且价钱又抵食。🍽金牌米线🍜唔洗烦慢慢谂食咩，呢个已经有好多野食，包括鳕鱼豆腐、牛腩、蟹籽丸、炸酱。而佢本身都会有韭菜，腐皮，芽菜等等，非常丰富。牛腩够淋够入味，炸酱味道岩岩好，唔会过咸。汤底就选左酸辣，味道十足，又唔会抢晒啲味道。🍽酸菜鱼汤米线🐠🍜估唔到会有酸菜鱼，鱼片都几多，而且都系滑。米线好滑，酸菜鱼汤唔会话好辣，酸辣岩岩好，米线索晒汤汁，好入味。🍽蒙古芝麻烤鸡中翼🐔外皮有著金黄色的色泽和香脆的口感，而且入面仲好多汁，唔会干身，加埋蒙古芝麻酱料，浓郁的味道带芝麻香。🍽沙嗲猪颈肉串🐖即叫即烧，香喷喷，猪颈肉够大粒且厚肉，外皮烧得好脆，配埋沙嗲汁，好滋味。🍽蒜泥白肉份量唔算好多，但就好入味，白肉肥瘦适中，而且满布蒜系面，好惹味。