金樂軒雞煲魚鍋

营业中

休息中

今日同阿女去北角和富中心探姨婆，姨婆好開心，佢好鍾意去附近嘅金樂軒雞煲魚鍋食嘢，阿女就同佢一齊去食晚餐。餐廳裝潢簡潔，主打雞煲和魚鍋。老重慶奇味雞煲，雞煲入可以選擇辣度，少少辣喺比較惹味，上檯煮熱後立即香氣四溢，雞煲材料同配料都好多，有冬菇、芹菜、洋蔥、蒜頭，等，雞件好入味！肉質保持嫩滑，每件雞都沾滿醬汁，香濃惹味！冬菇爽口，豆卜完全吸收了雞煲的精華，非常惹味！薑蔥炆龍躉頭腩，用熱辣辣嘅煲仔盛載上枱，煲內還發出吱吱聲，有一陣濃郁香味撲鼻而來，龍躉腩位脂厚肉滑，醬汁調得夠味。黃金蝦球，黃金蝦上枱已傳來鹹蛋黃香味，外層香脆，肉質爽口惹味。椒鹽豆腐，即叫即炸，酥脆內嫩滑。