喜來稀肉 (瓊華中心)

营业中

休息中

呢期真系好有食神，成日都出街食饭，唔理咁多啦，食完先减呀。今晚就去左旺角琼华中心七楼喜来系稀肉食韩式烧烤。店员好有礼貌带我地入坐。中间有个自助机吧， 有前菜例如泡菜，生菜等等。我地一共嗌左牛肉眼扒$158，猪颈肉$150，五花腩$180，猪皮$150同蟹籽紫菜饭团$50。 QR 落单之后嘢食好快到。第一道就系食牛肉，因为最快熟吖嘛。牛肉厚薄适中，入口充满牛肉嘅香味，而且脂肪较少，唔会觉得好肥腻。之后就到韩烧必食五花腩，脂肪同肉嘅比例近乎完美，烧到两边金黄色，再用爽口生菜包，加入落少少泡菜令到成个味道更加协调。韩式猪皮非常厚实，烧完之后入口虽然邪恶，但系10分好味，带有少少甜味，令味道口感更加丰富。最后食埋个过蟹籽饭团就10分满足。