馬六

营业中

休息中

呢排想食马来西亚野，当然去马六啦，keep住有水准，今次见佢有二人套餐，天气又有少少冻，就叫咗个肉骨茶二人套餐，都只系$168 ，包括肉骨茶，鸡肉大虾串烧，虾汤娃娃菜，鸡油香饭两碗同两杯饮品。饮品要左杯椰汁凉粉同埋一杯热桔仔红茶。最后仲加埋个新加坡咸蛋黄鱼皮。首先一定要但下一个新加坡咸蛋黄鱼皮，呢样嘢系我第一次叫，但系真心应该系成个餐牌最好食嘅一样嘢，超级松脆，加埋啲咸蛋黄，真系会忍唔住不停咁食！另外都想称赞一下，就系呢间嘅肉骨茶嘅蒜蓉会分开咁上，咁啱我朋友又系唔钟意放蒜蓉入啲汤度，但系我又偏偏好钟意好多蒜蓉，呢个餐厅咁嘅做法，就我哋两个人都可以好好享受！