影片
更多
2024-12-23
211 浏览
今晚同左老公去左中环soho区，佢带左我去间新开嘅墨西哥菜酒吧餐厅食晚饭。餐厅有两层，地下层系半开放式，对住街景食饭，倾吓计饮吓嘢，又几写意。餐牌选择都唔少，菜式名全部以西班牙语命名，老公发办叫左个starter、Taco同主菜，另外再叫左两杯cocktail。Ceviche：源于秘鲁一种料理，里面有熟虾仁、洋葱、香草、牛油果同蕃茄等，食材全部切成小粒，用左新鲜青柠汁做酱汁，配埋旁边墨西哥粟米脆片一齐食，整体口感好fresh好新鲜，酸酸地，作为开胃菜好适合，几好。Surf & Turf Taco：地道墨西哥传统菜，系一款卷饼。饼皮烘得够香，馅料主要有虾同烧牛，然后mix埋洋葱、香草、牛油果同蕃茄莎莎酱等，表面仲有层浓厚乳酪酱，咬落去肉汁漏晒出黎，口感丰富，旁边仲有个蕃茄加洋葱酱汁，想味道重D就加，呢个taco我就几钟意。Carne Asada：即香煎牛排，我哋叫左medium，牛排粉嫩色，以慢煮手法烹调，所以保留左牛排原味道，食落较嫩多汁，而旁边亦有两款墨西哥传统自家制酱汁，分别系牛油果配洋葱酱汁同黑豆酱汁，点烤薄或捞饭食都好好味，唔错。Santa Monica Sunset：Sign
餐厅有两层，地下层系半开放式，对住街景食饭，倾吓计饮吓嘢，又几写意。
餐牌选择都唔少，菜式名全部以西班牙语命名，老公发办叫左个starter、Taco同主菜，另外再叫左两杯cocktail。
Ceviche：源于秘鲁一种料理，里面有熟虾仁、洋葱、香草、牛油果同蕃茄等，食材全部切成小粒，用左新鲜青柠汁做酱汁，配埋旁边墨西哥粟米脆片一齐食，整体口感好fresh好新鲜，酸酸地，作为开胃菜好适合，几好。
Surf & Turf Taco：地道墨西哥传统菜，系一款卷饼。饼皮烘得够香，馅料主要有虾同烧牛，然后mix埋洋葱、香草、牛油果同蕃茄莎莎酱等，表面仲有层浓厚乳酪酱，咬落去肉汁漏晒出黎，口感丰富，旁边仲有个蕃茄加洋葱酱汁，想味道重D就加，呢个taco我就几钟意。
Carne Asada：即香煎牛排，我哋叫左medium，牛排粉嫩色，以慢煮手法烹调，所以保留左牛排原味道，食落较嫩多汁，而旁边亦有两款墨西哥传统自家制酱汁，分别系牛油果配洋葱酱汁同黑豆酱汁，点烤薄或捞饭食都好好味，唔错。
Santa Monica Sunset：Signature Cocktail之一，卖相几靓，橙橙红红，好有sunset感觉。里面有tequila、石榴汁、橙汁同梳打等，表面再加新鲜橙做装饰，酒味浓带少少果汁甜味，几啱女仔饮。
Classic Margarita：经典版Margarita，用左tequila同新鲜青柠汁调配。杯边粘有一层细盐，同tequila一齐饮味道更好，而佢嘅酒味极浓，老公话几好饮。
张贴
