阿桂老友粉 (已結業)

最近口淡淡,想食下辣野,其它大型连锁米线,粉既餐厅又多人又逼,款式亦越食越厌。听闻过呢间阿桂老友粉有私房菜,于是都想试下佢既面类菜式。面类叫了担担面,餐厅有两种担担面,有正宗同捞,仲有不同辣度选择,我拣左小辣。面的份量几多,而且面条软硬适中,唔会太硬。再者汤底有淡淡花生味,小小辣。而且有好多肉碎同花生粒,捞埋食,一啖汤,一啖面,口感好丰富。另叫小食口水鸡,满满的配料,蒜蓉,花生粒系面。夹了一嚿鸡,花生都会一拼连着,睇得出厨师花左好多心机,麻辣味渐渐出黎,好正,正正能满足到重口味又嗜辣既我。加上鸡,配料分量又多,比谭仔既更好食。再者,店员亦好细心提供骨碟。食完辣野,当然要饮饮品。估唔到呢间餐厅有自家制饮品,山楂苹果茶,以一枝枝,冻冻地又可以清暑。淡淡苹果山楂味好清新,又健康,值得推介。