川味香

营业中

休息中

趁佢讲座之前仲有啲时间，谂住食啲小食，行过见到呢间行仔入边嘅串烧店，比佢嘅大陆味吸引咗。乜都唔好讲，最想赞嘅系佢𠮶串四季豆，因为真系好Juicy，唔会好似其他地方咁样将啲蔬菜类烧到干晒，呢个真系好好味。然后我哋仲叫咗肠仔，鱿鱼须，鸡全翼同埋牛舌。佢转鱿鱼须都唔错嘅，出边烧得干身，但系入边咬落去又唔会太硬太干。而个肠仔都有搽到我最钟意嘅蜜糖，所以我几欣赏。而佢串牛舌都好腍，再加上佢系厚切，所以绝对唔会干。而佢个鸡全翼都唔错，啲肉都几嫩，个皮都烧得几脆。另外我哋仲叫咗个蒜香蚬，个份量都OK，最重要系冇沙，蒜蓉都够料，够晒味。最后甜品当然唔少得烧菠萝啦，见到佢咁大嚿真系流晒口水呀。