古早味原住台灣 (已結業)

餐厅位置唔太显眼，要揾，亦因为咁唔系太多客，有啲可惜。地方好大，装潢带台湾原住民文化气息，座位宽敞舒服「古早味卤白菜」有上汤浸住，面头撒上鲁肉饭嘅香菇肉粒，娃娃菜鲜甜爽口，调味适中，唔会过咸「宜兰葱馅饼」外皮超薄，烟烟韧韧，一咬落去仲爆出鲜味肉汁！外皮煎到好香口，入面有大量葱，味道有啲似葱油「台湾刈包」旧五花肉好。大。件！！！超厚切，大大块夹喺烟韧又软熟嘅蒸包之间，睇见已流晒口水五花肉嘅皮同脂肪好清爽，满满骨胶原，成旧肉肥同瘦嘅部分都整到好弹牙，再加上咸酸菜同花生碎平衡味道同咬口，简直系画龙点睛「丰收饭」超。抵。食！一碗饭配五款肉三款配菜，有牛展、猪腩肉、鸡翼、鲭鱼、台湾肠，配新香、卤蛋、菜，横扫晒海陆空！　牛展同猪腩肉都系厚切，前者咬口好正，如果再多少少味会更好，后者半肥瘦但清爽爽口，一啲都唔油腻，鲭鱼鱼皮微脆，鱼肉juicy，台湾肠唔会太浓，米饭粒粒分明有饭香，真系好有诚意！「烧仙草红豆芋圆(热)」叫起至上，粉团有芋头、紫薯同蕃薯味三种，糖水个人觉得有点儿太甜，红豆再多啲会更好~所有食物都系正宗、好味、抵食，而且完全唔会太咸同油，超高质！