Rasoi 傳統印度菜 (已結業)

睇演唱会前食印度菜真系第一次，时间仲早所以一入到去冇乜人，但食到咁上下越来越多人，差唔多已经满晒位，电视机一直播住印度音乐mv，枱布都好有特色。前菜脆薄饼一共有三款酱，绿色嘅系薄荷带有少少辣味，橙色嘅酸酸地我最钟意，够晒开胃，啡色系甜酸酱，好似烧汁。蒜蓉烤饼$28香茜同蒜香味好香，就咁食已经够晒味道，见到好多蒜粒，点酱食亦有另一番风味。印色烤鸡肉炒饭$88饭炒得粒粒均匀，烧鸡口感亦唔会好"鞋"芒果乳酪$38好似新鲜芒果味咁，甜度啱啱好。南方印度香料椰子茸煮虾$95个汁好好食👍🏻见到好多叶嘅香料，我差唔多将d汁食晒，虾好爽，但我比较钟意有壳虾，所以我觉得羊应该会更好食。炸蔬果馅饼$38卖相比我想像中唔同，我第一次食呢一种炸法，几特别，虽然系油炸，但食落唔会感觉油，当中有辣椒、茄子、番薯、薯仔、西兰花，点埋酱汁食会更加好味👍🏻D野睇落好似细碟，但其实分量好足，食到两人饱饱离场，会有下次的😋。