霞飛飛

营业中

休息中

先要一赞霞飞飞嘅员工服务周到，态度亲切友善，仲会主动关心我地嘅座位会唔会大风。酒楼嘅环境舒服，装修别致，最啱一家人黎聚餐。花素蒸饺手工精细，馅料调味适中。灌汤生煎包外层煎得香脆，皮薄馅多，一咬开，汤汁涌出，肉香味十足。红烧小圆蹄好有惊喜！大大只圆蹄焖得好腍，轻轻一切，圆蹄肉便可离骨。至于圆蹄皮则软腍而唔油腻。砂锅松茸老豆腐嘅砂锅size好大，但份量比想像中少🤣。豆腐焖得入味，松茸味道香浓，汤底带点微辣。去骨樟茶鸭先沾上酱汁，夹在软熟嘅小蒸包间一起吃，口感丰富。如果要挑剔，就只可说樟茶鸭较为瘦身，如果再多啲油香味就更佳！招牌海皇炒饭够晒镬气，不过配料唔太多，带点微辣。最尾食个高力豆沙香蕉作结。