一條腸粉 (已結業)

我家既公公婆婆系正宗海丰人所以由细到大都食惯汕尾既家乡菜自从佢地走左之后一直都挂住个个味道有日经过呢间标榜食汕尾小食嘅餐厅即管入去试试佢嘅真伪店主好有心 怕香港人唔知道汕尾有啲咩食佢系铺头里面写左部分小食详细介绍客人唔需要睇完个餐牌都唔知𠮶样系咩黎嘅𠮶日系午饭时间 所以我哋两个人叫咗好多嘢食但佢样样野都唔算太贵都几抵食呢个系海丰小米 类似粉果咁但系入面剩系得猪肉嘅啫 配埋佢嘅酱油膏非常之夹 好食菜茶系我儿时最爱佢系由唔同嘅蔬菜同埋鱿鱼干腊肠花生等等一齐整嘅 非常之香亦都好正宗同埋佢最正既系冇咗我最怕嘅芹菜 个日几想嗌多一碗encore而呢个就系佢招牌嘅米肠呢个反而唔太合我口味 因为我比较钟意广东嘅肠粉香啲同埋实净啲 呢个略嫌有啲太淋不过都可以一试 可能你会喜欢呢讲到潮州 点会唔识佢嘅潮州手打牛丸啦唔使讲 冇得顶而呢个牙签鸡呢 都好食好香口配埋泰式辣酱 正呀其实我仲有好多嘢想食㗎因为每一样野都好好食 好有家乡嘅味道好有童年嘅回忆下次我一定会带我阿妈再黎