珍一料理 (榮高樓) (已結業)

一到夏天，天气好热，成个人无晒胃口，只想食啲酸酸辣辣啲凉拌嘢。咁啱系旺角行街，经过珍一料理，闻到阵麻辣香味，即刻流晒口水。于是决定外卖凉拌返屋企食。餐厅卫生唔错，睇落干净整齐，所有凉拌菜卤水放系玻璃柜，又清楚又卫生，啲菜品明码标价。王牌料理夫妻肺片$55 里面有猪耳、牛肉、牛肚等，小辣。唔食得辣嘅个小辣都接受到，辣油好香口，唔单辣仲有麻，麻辣味越食越上瘾。猪耳牛肚够爽，牛肉好厚实，卤过水跟住捞埋啲麻辣酱汁，够晒味又开胃。四喜烤麸$28，烤麸好似旧豆⺊啲嘢，吸晒五香卤水，够重味。木耳好爽脆椒麻鸡半只 手撕鸡都鸡新鲜，鸡肉好滑，沾满椒麻酱，食多两啖，成条俐同嘴唇麻到阵下阵下。正！凉拌面好清新，青瓜丝好足料，夹埋酸酸辣辣嘅酱汁，食落好清新又开胃。