肥姐麻辣餐廳

营业中

休息中

印象中，云（南）贵（州）（四）川，二湖（湖南，湖北）啲人系好食得辣嘅。我非以上族类，但系周不时都会趁吓热闹，去食吓川菜，湘菜，至于辣度，当然系最低级数iBB辣，有啲冇得拣嘅当然就唔会帮衬啦，因为食唔食到自己知嘛。今日来到呢间川菜馆-- “肥姐麻辣餐厅” 就系有得拣大辣，中辣，小辣，BB辣的餐厅。今日嘅拍搭系食肉兽，所以平时食开酸菜鱼的我就陪住佢嗌咗“酸菜厚切牛肉”，酸菜汤菜式材料齐哂，酸菜少不了，芽菜，芽白亦都有，味道正宗，虽然嗌咗细碟，但份量一啲都唔少，牛肉又够鲜嫩，抵食👍🏽“招牌口水鸡”一份88蚊，份量亦比想像中多，仲有啲青瓜垫底，平时啲鸡皮我系唔食嘅，但今次好食到连皮食落都唔知😁😁“土豆丝”系我一个好朋友曾经做畀我的一道美食，而呢间餐厅的土豆丝竟然有4种味道，有淸炒土豆丝，有酸辣土豆丝，有青椒土豆丝 ，有泡椒土豆丝，实在太惊喜啦，点咗个“酸辣土豆丝”，清晒碟😋😋