碼頭上魚

营业中

休息中

我同朋友都中意食辣，每隔一段时间都会忍唔住食番餐川菜。今次佢带我黎码头上鱼，话依度嘅四川菜够正宗！  虽然依度出名食鱼火锅，不过因为我地想试下川菜，所以就直接点咗酸菜鱼套餐。一上菜真系吓亲我地，估唔到有咁多菜同埋每一份都咁大碟。  老坛酸菜鱼，鱼片有好多片，每片都好嫩滑鲜甜，而且汤底好浓郁，非常开胃。本身以为剩系得鲜鱼片，点知仲有好多配料，例如阔薯粉、豆皮、莴荀、芽菜、豆卜等等。 脆皮炸BB鸽，细细只炸得好脆，肉质扎实。 经典回锅肉，师傅落足火侯去炒，回锅肉同椰菜炒得好香口，回锅肉片片肥瘦均匀，真系想送几碗饭！ 川北粉皮，粉皮好爽口，嗦哂啲调料。 夫妻肺片，有牛肚牛展，秘制麻辣汁好惹味。