見見面 (琉璃街) (已結業)

约咗朋友喺天后食宵夜，咁啱有一间叫见见面嘅店梗系入去配合番个主题同朋友见见面啦！坐低点菜时候先发现，原来系手机点餐，仲可以拣走葱、多葱、小辣、多辣咁样真系好方便呀！葱油鸡鸡肉好嫩滑每一啖鸡肉都有好香嘅葱油味，鸡胸唔嚡！有惊喜！酸辣土豆丝酸、辣配薯仔丝一齐炒，薯丝炒得好爽身，每一啖都好惹味。酸辣云耳云耳够爽身又脆口，酸酸辣辣好开胃手拍青瓜够晒正宗，睇个青瓜就知师傅真系用刀拍扁个青瓜去腌嘅，既保留咗青瓜本身嘅清甜又食到酱汁嘅酸辣。手撕包菜好似好普通嘅炒菜，但系一食落就知师傅厨艺高超，椰菜爽而清甜，带小小辣。干锅千页豆腐呢个豆腐真系我嘅最爱，先讲豆腐质地系弹牙嘅好似食紧鱼蛋咁样。另外佢用个小火炉兴热住咁样拎出嚟，令到我哋可以食到一个热辣辣香、喷喷嘅千页豆腐干锅，好贴心。红糖糍粑糍粑佢首先炸得好脆口，热辣辣咁样，再蘸上好补身嘅红糖，女士恩物呀！桂花冰粉一定要食桂花冰粉，佢冰粉唔系普通嘅冰粉，佢加入咗桂花，所以食落去嘅时候有淡淡嘅桂花香，加埋红糖，有边个女人可以抵挡呢份吸引？！