影片
更多
2022-11-06
82 浏览
今日收工之后睇紧有咩食嘅时候，发现原来公司附近有一间评价唔错嘅川菜，所以就同朋友去试下！餐厅唔算大，但系入面光猛企理，位置之间都相当阔落。最重要嘅系冷气好够猛，唔使担心食辣食到成身汗！老板娘肥姐超级Nice，会主动介绍每个𩠌菜，同埋问你食唔食得辣，呢度有大中小辣同BB辣，所以食辣嘅初哥都唔怕！✨黄金皮蛋皮蛋既蛋白部分晶莹剔透，似软身啫喱，滑嘟嘟，而蛋黄部份就有流心效果。佢既阿摩尼亚味没一般皮蛋强烈，比较容易入口，而且蛋香味比一般皮蛋浓好多，留系口中久久不散。酱汁用左啲花椒油、醋、辣油等，整成酸酸辣辣靓口味，再配上青瓜粒，刺激过瘾！✨辣子蒜香排骨呢一碟喺厨房炒紧嘅时候已经闻到香味，一拎出嚟真系吓亲，唔单止大碟，而且仲有好多辣椒干！原来好多排骨都收埋晒喺个底，排骨腌得够味，而且先炸过再炒，食落香口之余，又唔油腻。配上香辣嘅辣椒，非常惹味，𩠌饭一流！✨酸辣土豆丝土豆丝嘅颜色鲜艳，色泽光亮，而且口感非常爽脆，冇糊化嘅迹象。土豆丝唔算辣，但系酸味够劲、爽脆又开胃，令人有种人上瘾既感觉，极易𩠌饭～
今日收工之后睇紧有咩食嘅时候，发现原来公司附近有一间评价唔错嘅川菜，所以就同朋友去试下！
餐厅唔算大，但系入面光猛企理，位置之间都相当阔落。最重要嘅系冷气好够猛，唔使担心食辣食到成身汗！老板娘肥姐超级Nice，会主动介绍每个𩠌菜，同埋问你食唔食得辣，呢度有大中小辣同BB辣，所以食辣嘅初哥都唔怕！
✨黄金皮蛋
皮蛋既蛋白部分晶莹剔透，似软身啫喱，滑嘟嘟，而蛋黄部份就有流心效果。佢既阿摩尼亚味没一般皮蛋强烈，比较容易入口，而且蛋香味比一般皮蛋浓好多，留系口中久久不散。酱汁用左啲花椒油、醋、辣油等，整成酸酸辣辣靓口味，再配上青瓜粒，刺激过瘾！
✨辣子蒜香排骨
呢一碟喺厨房炒紧嘅时候已经闻到香味，一拎出嚟真系吓亲，唔单止大碟，而且仲有好多辣椒干！原来好多排骨都收埋晒喺个底，排骨腌得够味，而且先炸过再炒，食落香口之余，又唔油腻。配上香辣嘅辣椒，非常惹味，𩠌饭一流！
✨酸辣土豆丝
土豆丝嘅颜色鲜艳，色泽光亮，而且口感非常爽脆，冇糊化嘅迹象。土豆丝唔算辣，但系酸味够劲、爽脆又开胃，令人有种人上瘾既感觉，极易𩠌饭～
黄金皮蛋
9 浏览
0 赞好
0 留言
辣子蒜香排骨
5 浏览
0 赞好
0 留言
酸辣土豆丝
4 浏览
0 赞好
0 留言
张贴
