川之源

营业中

休息中

天气凉返少少，当然又系食辣嘅季节，昨晚同朋友揾食就去左位于西营盘嘅川之味，过一过辣瘾- 擂椒茄子：茄子砌成长条状，一啖一条，亮点系堆到山咁高嘅新鲜葱椒，咸度同辣度适中，惹味开胃- 香喷喷鸡煲：鸡煲分好多种，我觉得川式鸡煲嘅关键仍然系个红油汁料，用油煮嘅鸡真系特别爽口嫩滑，啖啖入口都系味觉嘅享受，好食- 干煽花菜：着重营养均衡嘅我地当然叫个川菜享负盛名嘅花菜，干煽其实就系干炒，所以唔会好油，花菜香口，真系一食停唔到口- 四川凉面：面条幼细，爽口弹牙，凉面再加上辣汁仲会有冰火交融嘅感觉，过足瘾四川辣食已经系出神入化，真系仲有好多正嘢都想食，但个肚空间有限，唯有下次再战