重慶二姐火鍋 (已結業)

作为一个在重庆生活过一年的香港人，可以非常负责任话俾大家知，呢间嘢真系正宗，无论汤底定系调味料，绝对都系重庆style，而且食材上等，价钱亦算合理。今次食左手切牛、黑毛肚、鹅肠、牛胸爽，同埋小小素菜。点解我会话呢间正宗得黎好啱香港人，因为佢个汤底降低左辣度，但系依然保留住该有嘅香味。我唔系专业嘅食评家，文笔亦都麻麻地，所以唔太识形容d食物味道及口感。净系可以话俾大家知我今日又满足又感动，满足系因为食到好食嘅嘢，感动系因为呢餐饭勾起我好多回忆，同埋通过个汤底同食材，真系可以feel到呢间小店嘅用心！我系长沙湾一带已经工作多年，眼望住一间间好用心煮嘢食嘅小店倒闭，所以今次有缘试到呢间重庆二姐，一定要评论支持下！